2 fetus ibinasura

MANILA, Philippines - Dalawang fetus ang na­tagpuan sa magkahiwalay na lugar sa Maynila kahapon ng umaga.

Ayon kay Insp. Armand Macaraeg, hepe ng MPD-Homicide Section, itinawag sa kanila kahapon, dakong alas-6 ng umaga nang ma­tagpuan ang isang plastic na naglalaman ng tinatayang tatlo hanggang apat na buwang fetus, wala pang kasarian, sa may tambak na basura sa gilid ng gasoline station, sa 25th St., Port Area, Maynila

Dakong 7:45 ng uma­ga  nang matagpuan din sa gilid ng kalye, sa panulukan ng Hermosa at Pilar Sts., sa Tondo, ang nasa dalawa hanggang apat na buwang fetus at wala pa ring nakitang kasarian. Nakasilid ito sa isang maliit na kahon na inilagay sa paper bag.

Inilagak ang mga fetus sa St. Ivan Funeral Homes.