Bebot nalaglag sa gusali, utas

MANILA, Philippines - Nasawi ang isang babae makaraang malaglag buhat sa ika-17 palapag ng isang gusali, kahapon ng umaga sa Makati City.

Nakilala lamang sa pamamagitan ng nakuhang identification card ang biktima na si Cita Dinglasan, nasa pagitan ng edad na 26-32 anyos.

Sa inisyal na ulat, naganap ang insidente dakong alas-6:30 ng umaga sa Tuscany Condominium na nasa 6731 Ayala Avenue, ng naturang lungsod.

Ayon sa imbestigasyon, nanggaling umano ang biktima buhat sa ika-17 palapag ng naturang gusali at diretsong bumagsak sa sementadong sahig sa ibaba sanhi ng agad na kamatayan nito.

Patuloy naman ang masusing imbestigasyon ng pulisya kung saan nakikipag-ugnayan sila sa pamunuan ng naturang gusali upang makakuha ng sapat na impormasyon upang mabatid kung tenant ang biktima at ang pangyayari bago maganap ang insidente.