Paslit pisak sa SUV
MANILA, Philippines - Nasawi ang isang dalawang taong gulang na batang lalaki matapos itong salpukin at magulungan ng isang humaharurot na Starex van habang nakatayo sa gilid ng kalsada, kamakalawa Malabon City.
Dead-on-arrival sa Manila Central University (MCU) Hospital ang biktimang si Carlos Miguel Pacuancuan, ng Guava Road, Bgy. Potrero, Malabon matapos na magtamo ng matinding pinsala sa ulo at katawan.
Nagsasagawa pa ng follow-up operation ang mga pulis laban sa hindi pa nakikilalang driver ng Starex van na may plakang WHM-892, na nakapangalan sa isang William Co, ng Chicago St., UE subdivision.
Sa report ng Traffic Enforcement Group (TEG) ng Malabon City Police, naganap ang insidente dakong alas-5 ng hapon sa panulukan ng Tuazon Ave. at Guava Road, Brgy. Potrero.
Kasalukuyang nakatayo sa gilid ng kalsada ang biktima kasama ang ina nitong si Elsie nang dumaan ang naturang sasakyan at biglang kumanan sa Guava Road kung saan nasalpok at nagulungan ang biktima.
- Latest
- Trending
