Seguridad sa MM, hinigpitan ngayong 'ber months'

MANILA, Philippines - Mas maigting na segu­ridad ngayon ang nais na ipa­tupad ng National Capital Region Police Office (NCRPO) dahil sa inaasa­hang pagtaas ng bilang ng krimen ngayong pumasok na ang “Ber Months” na hudyat sa paglapit ng panahon ng Kapaskuhan.

Sa direktibang inilabas ni NCRPO chief, Director Ro­berto Rosales, inatasan nito ang kanyang limang district directors, mga chief of police at station commanders ng pag­papaigting ng kampanya kontra krimen sa pamama­gitan ng paglulunsad ng mas maraming checkpoints, po­lice visibility at intelligence gathering.

Inaasahan kasi na tataas ang bilang ng mga “street crimes”.

Posible ring mag-umpisa ang mas malalaking operas­yon ng mga sindikato ng robbery hold-up, carnap­ping, hijacking at kidnapping.

Sinabi ni Rosales na hindi lamang ang panahon ng Ka­paskuhan ang kanilang pinag­hahandaan kundi ang maga­ganap na halalan sa susunod na taon na posibleng maging ugat din ng paglaki ng bilang ng magaganap na krimen. (Danilo Garcia at Joy Cantos)