Binata tinodas matapos makipaglibing

MANILA, Philippines – Isang binata na nakipag­libing sa yumao niyang kaibigan ang susunod ding ihatid sa huling hantungan matapos na barilin ng hindi pa nakikilalang lalaki sa Caloocan City, kama­kalawa.

Namatay noon din sanhi ng tama ng bala ng baril sa batok ang biktimang si Edgar Lope­naria, 39, ng Panday Pira, Ba­gong Barrio ng lungsod na ito.

Inilarawan lamang ang sus­pek na nakasuot ng puting t-shirt at may suot na helmet.

Sa imbestigasyon ni SPO1 Joel Montebon, alas-2:30 ng hapon, nakipaglibing ang bik­tima sa kanyang kaibigan at habang naglalakad papauwi sa Zapote St., Bagong Barrio ay sumulpot ang suspek at walang sabi-sabing binaril ang biktima.

Matapos ang insidente ay tumakas ang suspek kung saan inaalam na ng mga pulis ang motibo sa nasabing insidente. (Lordeth Bonilla)