NCRPO umalerto sa Valentine's day

MANILA, Philippines - Upang tiyakin na hindi na mauulit pa ang madugong Valentine’s day bombing noong 2005, umalerto na ang National Capital Region Police Office (NCRPO) na nag­latag ng segu­ridad sa Araw ng mga Puso sa dara­ting na Pebrero 14 ng taong ito.

Sinabi ni NCRPO Chief Director Leopoldo Bataoil na 100% na nakahanda na ang kapulisan sa Metro Manila para magpatupad ng seguri­dad at mapigilan ang posib­leng pana­nabotahe ng mga te­roristang grupo sa Valen­tine’s day.

Binigyang-diin ni Bataoil na ang hakbang ay nagla­layong maiwasan na maulit pa ang madugong pambobomba ng mga teroristang Abu Sayyaf na may ugnayan sa Jemaah Islamiyah (JI) terrorist sa isang bus sa Makati City na itinaon sa Valentine’s day noong 2005 na kumitil ng buhay ng 3 katao habang 60 pa ang nasugatan.

Kasabay nito, inatasan na ni Bataoil ang limang District Directors at iba pang mga hepe ng pulisya na panguna­han ang pagsusuperbisa sa pagpapa­tupad ng seguridad sa Metro Manila upang ma­iwasan ang anumang insi­dente ng kara­hasan sa na­sabing okasyon.

Ayon sa NCRPO chief, bagaman wala naman silang namo-monitor na pag-atake ng mga teroristang grupo sa pag­gunita sa Valentine’s day bomb­ing sa Metro Manila ay mas mabuti na ang naka­handa sa lahat ng oras upang hindi ma­ lusutan ng mga terorista.

Ipinag-utos rin ni Bataoil ang pagpapaigting ng police visibility at pagdedeploy ng karagda­gang mga pulis sa mga bus terminals, MRT at LRT stations, daungan at iba pang mga mata­taong lugar.

Pinakilos ni Bataoil ang intelligence operatives ng NCRPO upang manmaman ang aktibidad ng mga tero­ristang grupo na posibleng magsagawa ng destabilisas­yon o anumang uri ng pagha­hasik ng terorismo tulad ng pambo­bomba.