Lola dedo sa truck

Basag ang bungo ng isang 65-anyos na lola na dahilan ng agaran nitong kamatayan makaraang ma­hagip ng isang truck habang papatawid sa kal­sada sa Tondo, Maynila kahapon ng umaga.

Dead-on-the-spot ang bik­timang si Corazon Sal­vador, ng Building 8, Tem­porary Housing Unit, Tondo.

Agad rin umanong ­su­­muko ang suspect na drayber ng truck na may plakang RBG-163 na kini­lalang si Feliciano Sillave, 41, ng Pier 2 PR Malonzo com­pound, Tondo.

Nabatid na naganap ang trahedya, dakong alas- 10:45 ng umaga sa panu­lukan ng Road 10 at Ca­pulong st., Tondo. Papata­wid pa lamang umano ang biktima nang bigla uma­nong mag-‘green light’ o mag-go ang signal light kaya umabante na si Sillave at hindi na umano niya nakita na nakaumang na ang katawan ng biktima para habulin ang pag­tawid.

Sinabi pa ng pulisya na matapos suriin ang bang­ kay ng biktima ay putok ang bungo nito ma­tapos magu­lungan ng truck. Isinampa ang ka­song reckless im­prudence resulting in homi­cide laban sa nasabing driver. (Ludy Bermudo)