Bading nagnakaw ng pampagamot sa 'papa'

Kulungan ang kinasad­lakan ng isang bakla na nagnakaw ng pera’t mga alahas para gastusin sa pagpapagamot ng kan­yang nobyo na nakaratay sa isang pagamutan sa Marikina City.

Kasong theft ang kina­kaharap ngayon ng sus­ pek na si Naddy de Leon, 47, residente ng NHA Area II Balubad, Brgy. Nangka ng nasabing lungsod, mata­pos pag­nakawan ang pamamahay ni Adelaida Cruz, 71, sa Greenheights, sa naturang barangay.

Sa ulat, dakong alas-7 ng gabi kamakalawa nang madiskubre ang pagna­nakaw matapos na bu­malik ang pamilya ng bik­tima sa kanilang bahay mula sa maghapong pa­ma­masyal.

Nabatid sa matandang Cruz na nang kanyang tingnan ang loob ng kan­yang kuwarto ay wala na doon ang kanyang mga antigong alahas at P7,000 cash.

Agad namang inimbes­ti­gahan ang suspek na ayon sa pamilya Cruz ay kanilang pinagkaka­tiwala­ang maglabas-masok sa kanilang bahay.

Noong una ay itinanggi ng suspek na may kinala­man siya sa pagnanakaw ng pera at mga alahas ng matandang Cruz subalit nang makuha sa kanya ang mga susi na duplicate sa mga pinto ng kuwarto ng bahay ng biktima ay hindi na ito nakasagot pa.

Lumalabas sa imbes­tigasyon na kaya naga­wang magnakaw ng sus­pek ay upang ipangtustos sa pagpapagamot sa kan­yang “Papa” na nabaril sa ulo noong nakaraang araw at nakaratay ngayon sa pagamutan.