Mag-ate patay sa sunog

Patay ang magka­pa­tid makaraang masunog ang inuupahan nilang apartment kahapon ng umaga sa Pasig City.

Magkayakap pa nang matagpuan ng mga bum­bero ang sunog na bang­kay ng mga biktimang nakilalang sina Mart Jo 18, at Matthew Maglaye, 4, residente ng Moscow St. Greenpark Sub­divi­sion, Manggahan Village ng nasabing lungsod.

Sa ulat, naganap ang insidente dakong alas-7 ng umaga habang kap­wa natutulog ang magka­patid sa ikalawang pa­lapag ng inuupahang apartment unit.

Nabatid mula sa mga kapitbahay ng biktima, nakarinig umano sila ng isang malakas na pag­sabog sa loob ng inuupa­hang apartment ng pa­milya Maglaye kasunod nito ang mabilis na pag­kalat ng apoy sa loob nito.

Napag-alaman na kapwa naiwan ang natu­tulog na mag-ate ng ihatid ng kanilang ama na si Ronald ang kanilang ina na si Raquelle sa pina­­pasukan nito.

Matapos ang mahigit isa at kalahating oras tu­magal ang sunog at idi­nek­larang fire-out da­kong alas-8:35 ng umaga.

Samantala, wala na­mang nakikitang pagku­ku­lang ang mga kaga­wad ng Pasig Bureau of Fire Protection (BFP) sa na­turang gusali dahil may­roong itong fire exit na maaring madaanan ng mga biktima.       

Hinala ng mga bum­bero na posibleng ang mabilis na pagkalat ng apoy ang naging dahilan upang makulong at tulu­yang matusta sa sunog ang mag-ateng biktima.

Patuloy naman ang gi­nagawang imbesti­gas­yon para malaman ang san­hi ng nasabing sunog.