Verzosa nag-sorry!

We are very sorry for what happened!

Ito ang inihayag kaha­pon ni PNP Chief Director General Jesus Verzosa kaugnay ng pagkaka­ patay sa limang sibilyan na na­damay sa shootout ng kanilang mga operatiba at ng notoryus na grupo ng Waray Waray/Ozamis robbery/holdup gang sa Para­ñaque City noong Dis­yembre 5 ng gabi.

Agad namang kumam­byo si Verzosa sa pagsa­sa­bing hindi sinasadya ng PNP ang pangyayari at ipinaabot ang pakikiramay sa pamilya ng napatay na mga sibilyan.

“The collateral damage is quite unfortunate. We are still to assess where the shots came from, because there was a running gun battle during that time and the crossfire could have happened anywhere in that area,” pahayag ng PNP Chief.

Bukod dito, ayon kay Verzosa ay maaring nag­ka­roon ng kalituhan sa gru­po ng operatiba ng pulisya lalo pa at ang namu­muno o nagsusu­perbisa sa ope­rasyon sa mga itong si Sr. Supt. Eleuterio Gutierrez Jr., hepe ng Task Force Lim­bas ng Highway Patrol Group (HPG) ay nasapul kaagad ng tama ng bala sa ulo at nasa kritikal na kon­disyon pa ngayon sa paga­mutan.

Kaugnay nito, tiniyak ni Verzosa na mabibigyan ng hustisya ang pagkamatay ng mga inosenteng sibil­yan sa naganap na madu­gong Parañaque shoot-out. (Joy Cantos)