AFP, PNP umalerto sa MM

Nagdeklara na rin ng red alert status ang pu­wersa ng AFP-National Capital Region (AFP-NCRCOM) sa Metro Ma­nila upang mapigilan ang posibleng paglulun­sad ng mga pag-atake tulad ng pambobomba ng Moro Islamic Libera­tion Front (MILF) rene­gades kaug­nay ng open­siba ng tropa ng militar sa mga apekta­dong lugar sa rehiyon ng Mindanao.

Ayon kay AFP-NCR COM Spokesman Capt. Carlo Ferrer  na epektibo alas-6 ng gabi nito pang Lunes ay ipinag-utos na ni AFP-NCRCOM Chief Major Gen. Arsenio Aru­gay ang pagtataas ng kanilang alerto.  Sinabi ni Ferrer na pangunahin na nilang bi­nabantayan ay ang insta­lasyon ng gob­yerno sa Metro Manila na ikino­kon­siderang ‘soft targets’ ng pag-atake ng MILF rene­gades tulad ng pam­bo­bomba.

Sa panig naman ni NCRPO  chief Director Geary Barias, sinabi nito na epektibo alas-8 ka­hapon ng umaga ay iti­naas na nila sa ‘full alert status’ ang buong puwer­sa ng NCRPO.  Kabilang naman sa ma­higpit na binabanta­yan, ayon kay Barias ay ang matataong lugar tulad ng MRT, LRT sta­tions, bus ter­minals, da­ungan, palipa­ran, shop­ping malls, schools, sim­bahan at iba pa.

Nanawagan rin ang opisyal sa taumbayan na maging vigilante sa lahat ng oras at ireport sa mga awtoridad ang mga ka­hina-hinalang indibid­wal na posibleng magsa­gawa ng paghahasik ng kara­hasan sa National Capital Region.