"14 K Gang" source ng droga sa Taguig

Umapela kahapon ang mga residente ng Brgy. Western Bicutan ng Taguig City sa pamunuan ng Southern Police District Office (SPDO), na bigyang pansin ng mga ito ang patuloy na operasyon ng "14 K Gang" na itinuturing na isa sa mga malalaking source ng droga sa nasabing lungsod.

Nabatid na isang "Ka Delfin" na isa sa malapit na tauhan ng yumaong "drug lord" na si Don Pepe Oyson ang namumuno sa operasyon ng nasabing grupo sa lungsod.

Napag-alaman pa na lalong tumaas ang krimen sa nabanggit na lungsod dahil sa patuloy na operasyon ng droga dito na sinasabing may kinalaman ang nasabing grupo. (Lordeth Bonilla)