Nakilala ang mga nasawi na sina Leonardo Croniso, 23 at Jaime Elogino, 32, kapwa naninirahan sa Bukid Area, Barrio Sto. Cristo. Tala ng nabanggit na lungsod.
Ayon sa ulat ni PO3 Alex Barroga, may hawak ng kaso, dakong alas-10:25 ng gabi nang maganap ang insidente sa kahabaan ng Sto. Cristo, Tala.
Nabatid na nakikipaglamay ang dalawang biktima sa pumanaw nilang kamag-anak nang bigla na lamang silang paulanan ng bala ng baril ng mga suspect na naging sanhi ng agaran nilang kamatayan.
Mabilis namang tumakas ang mga salarin matapos ang ginawang pamamaril.
Napag-alaman mula sa ilang ka-lugar ng mga biktima na posibleng paghihiganti ang motibo sa pamamaril dahil sa matagal ng may ka-alitan ang mga ito. (Ulat ni Rose Tamayo)