P 2M shabu nakumpiska

Nakumpiska ng mga tauhan ng PNP-Narcotics Group ang may isang kilo ng shabu na nagkakahalaga ng P2 milyon mula sa dalawang babae na sinasabing miyembro ng isang big-time drug syndicate, kamakailan sa Quezon City.

Iniharap kahapon sa mga mamamahayag ang mga suspect na nakilalang sina Nursida Gulam at Nusia Ahmad, residente ng Libyan St., Brgy. Culiat, Tandang Sora sa nasabing lungsod.

Nasamsam sa mga ito ang isang kilo ng shabu na nagkakahalaga ng P2 milyon.

Ang dalawa ay nadakip sa isinagawang buy-bust operation sa may parking lot ng isang mall sa lungsod. May larawan sa pahina 7. (Ulat ni Joy Cantos)