James naghahanap ng bagong tropa
LOS ANGELES — Golden State Warriors, Miami Heat at Cleveland Cavaliers.
Ito ang mga posibleng lipatan ni LeBron James para sa kanyang NBA record na ika-24 season matapos umalis sa bakuran ng Lakers.
Walong taon naglaro ang 41-anyos na si James sa Lakers na nagbunga ng isang NBA championship noong 2020 katuwang si center Anthony Davis.
“It was truly an honor to wear the Lakers’ uniform and that, I hope I made a few proud during my stint,” sabi ng four-time NBA champion guard sa kanyang social media post.
Kinumpirma rin ni Lakers governor Jeanie Buss ang pag-alis ni James sa isang statement.
“LeBron James is one of the greatest athletes in history. We will always be thankful for his eight years with the Lakers -- including the title he led us to in 2020 under the toughest imaginable circumstances and the countless records he broke in purple and gold,” sabi ni Buss.
Kabilang sa mga nagpahayag ng interes kay James ay ang Warriors, Heat at Cavaliers na tinulungan niyang magkampeon noong 2016.
Pinamunuan ni James ang Heat ni Fil-Am coach Erik Spoelstra sa dalawang NBA championship noong 2012 at 2013 kasama sina Dwayne Wade at Chris Bosh.
- Latest
