Fastfood Chain

Mangayo unta ko og tambag nimo. Ako si James, 22 years old gatrabaho ko karon sa usa ka fastfood chain diri sa Cebu. Sa akong trabaho didto nako nakaila ang akong uyab tawgon na lang nato siya og Lyn. Siya na siguro ang pinaka taas og patience nga babaye nga akong nakaila. Bisan ka pila ko makasala niya pasayluon gihapon ko niya pero nasayop lang gyud ko. Sa mall mi gatrabaho ni Lyn. Sa tupad sa among store naa ko’y nakaila nga babaye nga crew gihapon sa usa ka fastfood chain. Na-attract ko niya kay sweet kaayo siya ug guwapa pa gyud. Nagsige na mi og istorya sa text ug usahay magtawag-tawag. Bisan sige ko’g masakpan ni Lyn nga makig-istorya sa lain iya gihapon kong gisabot. Masuko siya pero mawala ra gihapon iyang kalagot. Pero katong nasakpan mi niya nga nagkuyog og dinner suko kaayo siya. Wa na gyud ko niya gitingogan ug nakigbuwag na siya nako kay subra na daw kaayo ko.

Uwahi na nako na-realize kun unsa siya ka importante nako. Usa na ka buwan sugod atong nakigbuwag si Lyn nako. Ang babaye nga rason sa among pagbuwag naa na man pud diay to siya’y uyab. Kauban gihapon mi sa trabaho ni Lyn pero di na mi magtagad. Di nako niya tagdon kay suko gihapon siya nako unsa may maayo nakong buhaton, Medyo Maldito?

* * *

Ang tawo mura’g balloon. We hold everything in hangtod mapuno. Pero kun masobraan na mao nang mubuto ta. Mao nang nahitabo kang Lyn. Bisan og unsa ka buotan ang usa ka tawo magbag-o gyud na labaw na’g masakitan na nimo. Love kaayo ka niya pero na-realize siguro niya nga mas love niya iyang kaugalingon. Nga dili niya deserve ang imong gipangbuhat sa iya. Love siguro kaayo ka niya pero sayang kay gibaylo ra nimo siya. Karon ikaw na lang hinuon ga-inusara. Ang gugma mura’g exam sakto na unta ang napili nasipyat pa gyud kay nilingi.

Sayop na hinuon ka nagmahay pa gyud ka kun seryuso gyud ka niya ug nagmahay ka sa imong gibuhat pangayo og pasaylo niya. Kanang sincere basin nipalit na to siya’g pabuto para adtong  New Year. Dili Goodbye Philippines pero goodbye feelings. Suwayi lang og pakita sa iya nga nagmahay na gyud ka. Basin diay mapasaylo pa ka niya. Mintras di pa uwahi ang tanan. Mintras wa pa siya kita og bag-o nga puli nimo. Kun mapasaylo man ka niya, always remember nga ang second chance dili unli maong ayaw gyud na sayangi.