Hulagway sa kamingaw

Hoy, ngano god tawon nga nahigugma ka man kaniya?

Siya nga palikiro ug dili kamaong mohatag sa iyang pagbating lunsay ug tiunay

Hoy, ngano god tawon nga nagpatonto ka man kaniya nga iya ka man lang pahilakon.

Tan-awa karon dili ba naghilak ka na

Nagbakho kay ang iyang mga saad diha kanimo usa lang diay ka bakak

Nga nangabuak dinhi sa paraiso mong napusgay.

Unya mangutana ka nako  kon duna pa ba koy gugma

Nimo, kon ang akong kasingkasing nag-awit pa ba

Sa awit nga atong gikuwadro nga nahimong hulagway sa

Nindot unta nga pagminahalay

Apan nagpatonto ka

Kay guwapo siya, belib ka kaniya kay nindot siyang

Mokanta daw artista,ug imo kong gibalikan ug nagdala

Ka’g mga pulong sa pasaylo

Apan unsaon na man nga

Kinoral na man ang lagwerta sa akong dughan?

Oo, dili malalis nga nahigugma ko nimo

Apan imong gipahilak ang kasingkasing ko

Nga nahimong bato, tig-a ug gusto nang manimawos

Apan kay tawo man lang ako,  makamao akong

Mopasaylo apan anha na lang nako ihagawhaw sa

Kuwadro nga naghulagway sa larawan tang duha

Nga gipikas sa kapalaran.

#HUGOT

Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan?  Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!

Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.

Ipadayag ang imong HUGOT sa gugma! Ipadala   pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:

HUGOT BALAK

C/o Banat News  V. Gullas St., cor. D. Jakosalem St.

Barangay Santo Niño 6000,  Cebu City,  Philippines