Lagingling sa kasingkasing
Sulod sa akong dughan…
Sa kasingkasing ug alimpatakan
Panahon sa malinawon katulogon
Sa mga daman ug damgo ako
Hilom mong pukawon, hamukon
Sa mga salimuang sa kagabhion!!!
Kinsa ka? Hilom ako nakapangutana
Diin ang bathala sa katulogon
Nga si Nanak, mipukaw sa akong kahimatngon
Ang hayag nga bulan ug ingon man sa mga kabituonan
Nanglusot ang ilang kahayag
Sa giwang sa lawak gihigdaan
Diin nagpasundayag sa ilang katahoman
Aron hadlaon ang giurom dalimdiman!
Unya, sa paghimata ko pa, nawala ka
Kinsa ka ba? Ikaw ang diwata sa gugma
Aang hari ning gilagingling sa kasingkasing?
Ikaw ang musa, sa nahanaw kong gugma?
Oh bathala, sa katulogon, ayaw’g samoka ...
kining nagmalinawon, nakong diwa
Nga wala na gayod magpakabana sa gugma
Kay gitalikdan na gayod ako sa hara
Ang rayna, sa timawa, kong kapamilya!!!
#HUGOT
Nahigugma ka na ba? Nagpuyo ka ba sulod sa usa ka matam-is nga relasyon? Napukan ba ang imong paghigugma? Giluiban ka? Gibiyaan? Nagmaoy ka ba? Mibalik ba ang binuhat nga nagpapitik sa imong kasingkasing? Puno ka ba sa inspirasyon? Gikilig? Bisan unsa pa man ang imong gibati karon, angayan nimo ka na nga ipabuhagay pinaagi sa pagbalak!
Ug sa dili madugay, ang inyong kinaham nga Banat News Kalandrakas, mumantala na nianang maong BALAK nga namugna gumikan sa kalipay ug kasakit nga nasinati human ka nahigugma, gihigugma ug buot mahigugma.
Ipadayag ang imong HUGOT sa gugma! Ipadala pinaagi sa pag-like sa atong Facebook Page nga: Banat News. Didto ninyo ipadala ang inyong mga HUGOT BALAK sa gugma. Mahimo sab nga pinaagi sa snail mail:
HUGOT BALAK
C/o Banat News V. Gullas St., cor. D. Jakosalem St. Barangay Santo Niño 6000, Cebu City, Philippines
- Latest
