Eleksyon

Suod nga managhigala sila si Talyo ug Alfon. Ug gitambagan si Talyo sa iyang amigo nga dili padaganon sa pagka konsehal sa lungsod tungod kay ang politika usa ka duwa sa inotok.

"Talyo, mobotar gani ka ang imo rang ngalan maoy isulat aron modaog ka!" ni Alfon. "Kay basin mahitabo nga usa ra ka boto ang imong gidag-an o mapildihan."

"Maikog man ko, Alfon, nga dili modala sa akong mga kauban! ni Talyo.

"Hunahunaa pag-ayo, Talyo, nga kauban mo pero kontra tungod kay mobotar ka uban sa imong paryente, magdugang kini sa imong kapildihan!" ni Alfon. "Dili gani ka mopatuo nako pildi gyud ka. Pinsara'g maayo, Talyo!"

Pilay estorya niabot na ang adlaw sa paghukom diin ang mga tawo nagpunsisok sa mga presinto. Apan wala mabantayi ni Talyo ang kaabtik sa iyang kaubanan nga nagmaneho unsaon pagdaog pinaagi sa paghatag og salapi ug isuwat usa ra ka ngalan aron makakuha og solidong botos.

Wala maglangay nag iniphanay na. Ug ang suod niyang higala nagpahibalo ni Talyo nga usa ra gyod ka boto ang gidag-an sa iyang kauban. Ug nibotar ra ba gyod si Talyo sa iyang kauban sa pagka konsehal. Nakapanglingolingo si Talyo sa hilom nga ang nakapilde kaniya mao ang pagbotar sa iyang kauban. Unya nakahinumdom si Talyo sa mga tambag sa suod niyang higala nga kauban pero kontra tungod kay dili masiguro ang usa ka boto nga maoy hinungdan nga makapadaog ug makapilde. Ug gipikpik ang abaga ni Talyo sa tisoy niyang higala.

"Talyo, ang politika usa ka duwa nga alisto!" ni Alfon. "Kinahanglan nga mogamit sa mga taktika aron lang modaog!"

"Husto ka, Alfon, kay ang eleksyon usa ka duwa nga inabtik!" (Kataposan)