Mura’g mulbog, luy-a nga kuyos

“O, ngano nga nagkatawa man ka diha, Max, nga mitutok pag-ayo sa akong dughan...?” “He-he-he! Kuan man gud Ara, karon nga nag-edad na tag 60 ug parehas na nga mitungtong sa pagka-senior citizen, lahi na kaayo ang porma sa hubo mo nga dughan nga akong gihapuhap.”

“Aw, siyempre, Max! Lahi na g’yud sa kanhiay! Dili na pareho sa bag-o pa ta nga minyo nga bigot ug tugsoy pa kaayo ang duha ko ka gagmay’ng bulkan sa dughan...!”

“Bitaw, Ara! Kaniadto, hilabihang tugsoya ug bus-oka sa duha mo ka gagmay’ng bulkan! Solido kaayo! Apan karon, mura na lang og mulbog...!”

“Mulbog? Saba diha, Max, uy! Nagpaila lang gayud nga hingoan ka’g mulbog! Na-imagine na ‘sab nimo ang tugsoy ko nga dughan...! Naa ay, kiat kaayo ang kamot mo nga padayong nagkupaykupay....!”

“Mao lagi, Ara! Ang kanhi bus-ok ug solido mo nga duha ka tugsoy sa dughan, mura na la’g mulbog sa hunasan! Naglampiay na lang ug nag-anam na’g kahilis nga mura’g naagian na sa taubon...!” “Nanaway baya ang tugahok....!”

“Dili ni saway, uy! Nagtug-an lang ko’s matuod! Gawas nga mura’g mulbog nga naglampiay ug nahilis na ang duha ka tugsoy mo sa dughan, ang imo nga inampingang hiyas, mura na lang ‘sab og bunot kasapnot! Kurayot na kaayo og simod! Ha-ha-ha!” Aw, gitugbangan lang ‘sab ang imoha, Max! Kay ang imong pekoy lungay na ‘sab kaayo. Mura na’g liog sa manok nga gidunlok! Sama sa luy-a nga kuyos na kaayo! He-he-he-he...!”

“Pero oki na lang nato ang tanan, Ara! Ingon g’yud ana ang sangpotan kun magkatigulang na ang tawo! Ang importante nga malipayon kita’ng duha nga nagpuyo nga pulos na mga propesyonal ang lima ta ka anak ug mipukos na kita’ng duha sa pag-alagad sa Ginoo. Bahala na lang gud kun mura’g mulbog ang duha ka tugsoy sa imong dughan ug mura’g bunot kasapnot na ang imoha...!”

“Bitaw, Max! Bahala na’g mura’g liog sa manok nga gidunlok ang kalungay sa imoha ug mura’g luy-a na kakuyos! Ang mahinungdanon nga nahiusa ta’s Ginoo ning nahabiling anib sa atong kinabuhi ug wa’y sama kamalipayon nato’ng duha...!” (Katapusan)