Uyab na-missing

Dear DJ Jacky G,

I’m Bella of Tubigon, Bohol. Ang ako’ng uyab sa una, didto mitrabaho sa gawas. Sukad sa iya’ng paglarga mga 4 years na, wala na ‘mi communication. Siyempre, wala na ko nagdahom nga kami pa. Wa baya g’yud nagparamdam bisa’g gamay. Nakauyab na ko’g lain and yes, in love ko niya. Karon kay nikalit man og chat nako ang tua sa gawas. Mouli kuno siya kay makigminyo na nako! Nakuratan g’yud ko! Wa ko kasabot sa ako’ng gibati.  Unsaon man ni karon Jacky? -Bella

Dear Bella,

“Honesty is the best policy.” Para sa imo’ng kaugalingon, ngadto sa imo’ng kanhi uyab ug sa imo’ng current boyfriend. Be totally honest with yourself. Kinsa man g’yud ang imo’ng gusto kanila? In love man ka sa imo’ng uyab ron di ba? Wa man kaha ka mag-duha-duha niya? Sure na sure na man kaha ka? Tell your ex-boyfriend the truth. Nahanaw baya siya nga daw bula!  Unya mukalit ra’g kabanhaw kay makig-minyo?!  Hello?! Na-amnesia siya for four years unya naparok mao na’ng nakahinumdom og balik nimo?!   Wala na man kaha ka’y feelings niya?  So break it to him gently na lang. Tug-ani pud ang imo’ng uyab karon bahin sa imo’ng ex. Mas maayo og nimo g’yud gikan kay basin ma-misinterpret hinuon kun madunggan pa niya sa lain. Stay in love Bella! Happy Valentine’s Day!-DJ Jacky G

* * *

Kun gusto ka’ng ma-feature sa DDJJG, i-like ako’ng FB fanpage ug i-private message imo’ng problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!