Jezebel
Gula 149
Gitambayongan namo ni James ang pagkatkat sa hagdanan sa ikapito’ng langit. Tungod sa grabe’ng kalalim nga akong gibati, migakos ko’g maayo ni James.
Dili ko gusto’ng maputol ang kalalim mao nga sa higayon nga mohunong sa makadiyot si James akong gunitan ang iyang bat-ang.
Unya misaka pa g’yud sa mas taas nga level ang kalalim sa among lovemaking. Nagdungan mi’g sangko sa kinapungkayan sa himaya. Igo lang nakakawas si James, mitingog ang buzzer sa lawak.
“Ang naghatod na tingali karon sa atong pagkaon,” nako pa.
“Dinhi ka lang,” niya pa dayong bangon ug nagtapis og tualya.
Migawas siya ngadto sa anteroom. Iyang giablihan ang pultahan. Nagpabilin lang ko nga naghigda sa mahunol-hunol nga kama. Apan nabati ko nga nakigsulti siya sa crew nga naghatod sa among pagkaon.
Milagubo ang pultahan nga gitak-op pagbalik ni James. Unya miduol siya sa akong nahimutangan. Iya ko nga giparaygan. Gihagkan niya ang akong aping. (Sumpayan)
- Latest