Jezebel
“Kun mosupak man gayud si mama sa atong relasyon, Jezebel, ikaw ang akong palabihon, tungod kay gihigugma ko ikaw. Laumi nga dili ko ikaw pasagdan,” nagkanayon si James.
Ingon sa inanay mi’ng naanod sa sulog sa among mga pagbati. Mao na lamay akong naamgohan nga nag-akob na ang among mga ngabil ni James.
Namatikdan ko nga hangol kaayo siya’g hinagkan. Mikiat usab ang iyang mga kamot sa pagpanghinol sa sensitibong mga parte sa akong lawas. Ang iyang gihimo naghaling sa kainit sa akong kahiladman. Wala ko makatutol dihang gipahigda ko ni James sa iyang kama. Gipalong niya ang suga. Dayon gitagsatagsa niya’g panangtang ang mga salimbong sa akong lawas. Pero dihang gihan-an na niya‘g kuha ang tabon sa labing pribadong parte sa akong lawas gipugngan nako ang iyang kamot.
“Pasagdi ko,” hagawhaw ang iyang tingog. “Dakong sayop ang gusto mong mahitabo,” giingnan ko siya. “Gihigugma ko ikaw, Jezebel. Andam kong manubag kun unsay mahimong linugdangan niining tanan. Busa, please... pasagdi ko.”
Wala na ko makatutol pa. Gipasagdan ko na lang si James. (Sumpayan pa)
- Latest
