Jezebel
Gula 99
“Kumusta ka na, Jezebel?” Pangutana ni James nga nagtutok nako. “Medyo okey na ko,” maoy akong tubag.
“Maayo hinuon kun mao kana. Abi mo, nagpalit ko’g lamian nga mga pagkaon alang nimo.
“Naikog na ko’g maayo nimo. Nahasol ka na pag-ayo tungod nako. Unsaon ko man kaha ikaw pagbayad sa dako kong utang kabubut-on nimo?”
“Ayaw ka na’g hunahunaa. Gusto lang kong makatabang nimo. Nakita man gud nako nga tabanganan ka. Naluoy ko nimo.”
Mibiya siya sa akong atubangan ug mipaingon sa usa ka lamesa. Iyang gikuha ang usa ka plastik ug gidala sa akong nahimutangan. Iyang gitagsatagsa paghaw-as gikan sa plastik ang sulod niini. Mga pagkaon diay.
“Kaon una,” niya pa.
Nabusog ko sa lamiang mga pagkaon.
“Karon, Jezebel,” ni James pa. “Suginli ko sa tanang nahitabo nimo ug sa tinuod mong pagkatawo.”
Gisuginlan ko si James sa tanan. Gitug-anan ko siya nga taga Bohol ko apan wala ko siya tug-ani sa matuod nga hinungdan sa akong paghiabot sa Cebu. Nagtuo kong dili na angay nga masayod pa siya sa eskandalo sa akong pamilya. Gipatuo ko siya nga manarbaho unta ko sa Cebu apan demalas kay gi-pick ko sa usa ka lalaki nga nagpaila nga siya si Laurence ug iya kong gilugos. – Sumpayan pa
- Latest
