I love you Tessa

Gula 3

Milanat og kapin sa oras nga wala pa gayud moundang ang uwan. Sa tanto nga pagsige’g tindog nila ni Glenn ug Tessa samtang nagpasilong sa inaptan nga bahin sa sam-ang sa Caretta, giabot og kakapoy ang dalaga.

Nakamatikod si Glenn niini mao nga nangita siya’g paagi. Misandig si Glenn sa semento nga haligi ug giawhag niya ang dalaga nga mosandig kaniya aron mamenus-menosan ang kakapoy.

Milingi si Tessa kang Glenn nga nagpahiyom. “Thanks ha, kapoy na g’yud tinuod kaayo nga magsige’g tindog,” matud ni Tessa nga misugod na sa pagsandig sa dughan ni Glenn.

Wala hatagi og malisya ni Tessa ang pagsandig niya kang Glenn bisan og bag-o pa sila nga nagkaila ug ang ulitawo. Anam-anam nga gibalikis ni Glenn ang iyang tuo nga bukton ngadto sa hawak ni Tessa.

Mihana og igwad si Glenn kay wala niya tuyoa nga mibarog ang iyang pagka lalaki samtang nagsandig kaniya ang dalaga. Apan dili na siya makasibog kay nagsandig man siya sa sementado nga haligi sa temporaryo nga kapilya sa sam-ang.

Takulahaw lang mibunok pagkusog ang uwan. Dunay mga tawo nga mipasilong lang pinaagi sa ilang tagsa-tagsa ka payong didto sa atubangan sa lubong sa ilang minahal sa kinabuhi nga nanagan paingon sa chapel.

Misamot sila kahuot. Wala na gayud kapugngi nga misamot kapiit ang pagdikitay sa lawas nila ni Tessa ug Glenn. “Maayo gani kay nakapasilong dayon ta dinhi Glenn, kun wala pa mabasa g’yud unta ta,” ni Tessa pa.

Sa hilom mapasalamaton kaayo si Glenn sa sitwasyon kay tungod sa kalit nga pagbunok sa uwan nakahimo sila og wala palandonga nga deyt uban ni Tessa. Sigurado si Glenn nga nakamatngon si Tessa nga may nag-anam og gahi sa iyang atubangan. (Sumpayan)