Isla Paraiso
Gula 206
Karon inanay nang nasabtan ni Rey kun nganong nasuko pag-ayo si Col. Villadar niadtong frustrated hold-up sa usa ka gasolinahan diin napatay nila ang tanang mga tulisan. Mao diay nga misinta kini sa tumang kasuko sa maong hitabo kay usa man diay kini sa mga kunsabo, kun dili man maoy pangulo sa mga tulisan.
Mikagot ang mga bag-ang ni Rey samtang nagpabilin sa iyang gipasalipdan. Karon nabug-os na ang iyang pagtuo nga si Col. Villadar ang nagpakidnap kang sister Veronica.
Mao diay nga nasayod kini kun unsa ka mahinungdanon ang madre alang kaniya. Wala malilong sa kuwerpo sa kapolisan ang pagpangulitawo niya sa madre. Hinuon, si Corporal David Benturada lang ang nasayod nga nagkahigugmaay gayod sila ug pipila pa lamang ka adlaw nga nakahukom ang madre sa pagputol sa ilang relasyon.
“Dako ka na kaayo’g kadaot nga nahimo sa akong pundok,†matud na usab ni Col. Villadar. “Daghan nang kinabuhi sa akong mga tawo ang imong giutang. Kinahanglan nga matapos na ang imong pagpanghilabot sa among kalihokan.â€
“Ikaw ang angay mapapas sa nawong sa yuta, Col. Villadar,†nagkanayon si Rey nga karon nabug-os na ang pagtuo nga ang koronel mao gayud ang pangulo sa mga tulisan.
“Ang sama kanimo nga naghatag og buling sa imahen sa kapolisan dili angay pasanayon dinhi sa kalibotan! Dako ka na’g kadaot nga nahimo sa katilingban.†-- Sumpayan pa
- Latest
