Peso peso ra gyud
“Aahhh ahhhh ahhh†matud sa babaye nga Badjao nga nagpakilimos, pagka-matikod nga ang iyang nadawat nga limos, upat ka bayentisingko sentabos. Dili kontento sa gihatag ni Charlie nga nangabli sa walang bintana sa iyang kotseng gimaneho. Nia urong iyang Toyota Corolla nga abuhon sa intersection sa mga dalan A.S. Fortuna ug M.C. Briones sa dakbayan sa Mandaue. Ning sayong kaudtuhon, padulong siya’s Paknaan diin may opisina siya nga Accounting Firm.
Niurong siya dinhi kay pula ang signal sa traffic light. Unya, diha may nakita siyang makililimos nga babaye nga nagdangadanga, gitan-aw niya ang sudlanan og coins nga daw paya dikit sa kambiyo. Upat na lang gyud ka gagmay’ng coins ang sulod. Gipamunit niya’g dalidali. Unya, pagyahat niya, nagkangkang na ang kamot sa babaye dapit sa iyang wala.
“Unsa? Di ka modawat ana? Bi, iuli, kay ihatag ko na’g lain!†ni Charlie. Nibukhad sa walang palad ngadto sa babaye aron pagdawat balik sa mga coins.
“Aahhh ahhh ahhhh†nagpanudlo ang babaye sa sulod sa sakyanan. Gusto tingaleng padugang og pagkaon kun duna. Apan ang nakagrabe gyud ining mga makilimosa, di pa gyud kamaong mo Binisaya. Puro babaye. Hain kaha ang mga lalaki ini nila? Ang mga bana o amahan sa mga bata nga iapil og pakati sa ubang makililimos, hain kaha?
“Wa na koy laing ikahatag nimo. Kun di nimo dawaton na, ambi. Kay ihatag nako’s lain,†ni Charlie.
Nilakaw ang babaye. Niduol og laing sakyanan. Nakapanglingo si Charlie. Karon pa siya kasugat og makililimos nga magbuot sa mohatag. Moreklamo kundi kauyon sa gihatag.
“Beggars should not be choosy!’ tuaw niya sa hilom.
Muhatag man siya’s tanang makililimos. Way pili. Pero peso peso ra gyud. Kay sa tibuok adlaw, di lang kay dos siyentos lang tingale ka sakyanan ang manghatag. Unya, kada eskina nga dunay makililimos, mohatag man siya. Maong nahutdan siya’g coins. Kada adlaw siya magpasensiyo og tagpeso. (Katapusan)
- Latest
