Dakong pagmahay - Gula 7

Wala na maligo pa si Daniel kay gusto niya nga magdungan sila’g kaligo si Lovely adto sa motel.

Human mainum ni Daniel ang energy drug, milakaw dayon siya kay tan-aw niya sa iyang relo hapit na ang alas siete sa gabii nga maoy ilang gikasabutan ni Lovely nga magkita. Bana-bana ni Daniel nga inigtangkud nga usa ka oras ug moepekto na ang iyang giinum, tua na sila sa motel ni Lovely.

Wala pa si Lovely pag-abot  ni Daniel sa unahan sa taytayan duol sa DepEd district office sa Imus Road. Taud-taud nakita na niya si Lovely nga nagsingabot. Nagsul-ob lang kini og short pants ug nakapasamot sa iyang kaangayan.

“Pagpara dayon og taksi kay may makakita unya nato,” ni Lovely pa. Gituman dayon ni Daniel ang gisulti ni Lovely ug atol nga may nagsingabot nga taksi. Nagpahatud dayon sila sa usa ka motel nga anaa ra sa Barangay Caretta.

Misulod ang taksi. Nasigpatan ni Daniel sa side mirrow sa taksi nga may laing sakyanan nga misunod kanila pagsulod sa motel. Bisan og wala sila’y sakyanan apan ang “With Garage” nga kwarto ang ilang gikuha.

Human mabayari ni Daniel ang drayber, misulod dayon sila sa kwarto. Wala g’yud mag-usik og higayon si Daniel. Giparaygan dayon niya si Lovely ug gipakaligo sa mga hawok. Kaganina ra nga naglaway si Daniel nga nagtan-aw ni Lovely nga angayan kaayo sa iyang gisul-ob nga short pants.

Nagpatara lang si Lovely nga gipasagdan ra si Daniel bisan unsay iyang gihimo. Hangtud nga sa makausa pa giangkon na gayud ni Daniel ang dalagita. Igo gayud nga nahuman si Daniel, may nanuktok sa pultahan. Kusog kaayo ang pagtuktok.

Nakuyawan si Daniel mao nga wala niya kini buksi. “Daniel, buksi ang pultahan mga polis ni uban sa International Justice Mission,” milanog ang tingog. Kusog kaayo ang pagkuba sa dughan ni Daniel. Diha pa siya nahinumdom sa gipahimangno kaniya sa higala niyang polis.

“Ablihi ang pultahan aron dili kini namo gub-on!” matud sa tingog didto sa gawas. Napugos si Daniel sa pag-abli sa pultahan. Diha-diha siya nga gidakup sa kapolisan ug mga sakop sa IJM tungod sa pagdala og batan-on sa usa ka motel.

Nasakpan pa gayud sa kapolisan nga hubo pa si Lovely nga nagbukot sa habol. Nakahilak si Daniel sa iyang gidangatan. Gidala si Daniel sa opisina sa kapolisan ug didto grabe siya nga nagmahay. Sa imbistigasyon, gitug-an pa gayud ni Lovely nga una nga nakahilabot kaniya ang konsehal sa barangay.

Wala madugay, gidakup sa mga polis ang konsehal basi sa pinanumpaang pamahayag ni Lovely. -  Kataposan