HUBAD SA DAMGO

Dear Professor Swami,

Hello kamusta po magpahubad lang ko sa akong damgo nga naay halas nga gustong moduol nako ug tungod sa kahadlok nako nipalayo apan diha man poy lain migawas ug kana pud naay damgo nako naa sa dagat mkta nko nga midako ang balod ug ngpalayo ko kay nahadlok usab ko ug kna pud damgohon ko akong buhok ngkalagas dagko ra ba gyod mura jud mapahak ni ako ulo kay lapad mamw ang mauklap unsa may buot pasabot ana kay inig damgo nko ipaak nko dayon aning kahoy oi palihog ko hubad ug unsa salamat ug more power. -Laarni

Laarni,

Ako ning tagsa-tagsaon imong mga damgo! Kini imong damgo sa bitin nga bisan pa man ug magpalayo ka, naa lang gihapon mogawas, pasabot nga gi-alirongan ka’g mga tawo nga maluibon pagbantay aning mga tawhana kay ilaron lang ka.

Kini imong damgo nga modako ang bawod sa dagat nagpasabot nga mga pagsuway muabot sa imong kinabuhi. Mga pag-ampo ang imong kinahanglan sa kinabuhi aron imong makaya ang tanang umaabot nga pagsuway ok?

Kining mangalagas ang imong buhok nagpasabot nga kinahanglan kang magtigum kay kalisod sa kuwarta ang imong pagasagubangon.

Amping!

Prof. Tata Swami

D' Swami (Descendant of Professor Swami)

* * *

Prof.,

Lately permi ko damgo nga gituok ko ni Satanas pero dili siya makakaya nako kay mosukol man ko... kung makadungog na siya sa ngalan ni Lord muondang na siya.— Cheryl

Cheryl,

Naay tawo nga nagsamok samok nimo karon? Pagpamisa ha... labi na sa mga kalag aron masanta pud ning mga kasuko ning nag samok samok nimo kung Catholic ka, Rosary is a great help....

Amping!

Prof. Tata Swami

D' Swami (Descendant of Professor Swami)

Facebook page:

https://www.facebook.com/BeyonddreamsBYdswami group page:https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].