Singer - Gula 4
Gipilde g’yud ni Jane ang defending champion. Ingon siya sa wala makasabot sa iyang gibati niadtong higayuna. Wala makadawat sa iyang kapildehan ang kanhi kampyon, misirit ni pagkanaug didto sa stage nga wala na molamano ni Jane.
Gisugat dayon ni Redem si Jane ug gilamano dihang mibalik na ang dalaga sa dapit nga didto magpahimutang ang ubang contestants. Gipahalipayan si Jane sa iyang mga kaubang contestants.
“Tan-awa’g nasayup ba ko nga layo ra kaayo nimo ang ubang contestants. Nakabantay na ko sa imong abilidad sa akong pag-awdisyon nimo kagahapon. Gawas nga ikaw ang midaug gipilde pa g’yud nimo ang defending champion,†matud ni Redem.
“Mao lagi, lipay kaayo ko Redem nga sa una pa lang nako nga pagsalmot og radio amateur hour midaug dayon ko,†ni Jane pa nga nagpahiyom. “Unya, asa nato saulogon ang imong kadaugan,†ni Redem pa ngadto sa dalaga.
Naghuwat si Redem nga mokagat si Jane sa iyang gipasabot nga magsaulog sila sa daku niya nga kalampusan sa natad sa pag-awit. “Ayaw kabalaka Jane, dili nato ibanan ang imong daug, ako’y mobangka sa atong selebrasyon,†ni Redem pa.
Giteksan ni Jane ang iyang ig-agaw nga nagpuyo sa Urgelio nga malangan siya pagpauli kay makigpanuroy ang iyang mga kaubang contestant sa iyang pagdaug.
Dihang namauli na ang mga contestants, si Jane na lang ang nahabilin. Nakabantay niini si Emil nga maoy producer sa amateur hour.
“Bilyako ka g’yud sa tsiks da Redem, unsa nalukmay na ‘sab nimo kana si Jane?†nangomedya si Emil sa radio technician.
Samtang nanghipos pa si Redem sa kahimanan nga gigamit sa amateur hour, didto ra si Jane nagpaabot sa lobby sa radio station. Dunay usa ka reporter nga si Tonton nga nakakita ni Jane, misakdap dayon.
Gusto ‘sab kini nga magpa-papel apan wala siya kaayo tagda ni Jane. Human og panghipos ni Redem sa kahimanan didto sa technicians room, gisangpit na niya si Jane.
“Adto na ta Jane,†matud ni Redem nga nagpahiyom. “Aw kamo diay kauban?†matud ni Tonton nga mora’g nahilaw ang panagway. Misakay sila’g taksi si Redem ug Jane ug miadto sila sa usa ka uptown restaurant.
Nag-order sila’g makaon. “Giswerte ka g’yud kaayo Jane. Tan-aw nako mora’g daku kaayo ka og kaugmaon sa pagkanta,†matud ni Redem.
“Maayo unta kay pangandoy g’yud nako nga mahimong maayong singer apan lisud abton ang naabot sa akong idol nga si Whitney Houston,†matud ni Jane.
“Kun gusto ka Jane ipaila-ila tika sa amigo nako nga tag-iya og club kun gusto ka nga mahimong usa sa ilang mga singer,†giingnan ni Redem ang dalaga. — Sumpayan
- Latest
