Sunshine vs Krista

Sa desisyon ni Sunshine Cruz nga nakigbuwag sa mister niyang si Cesar Montano, obvious nga duna siyay rason ug klarong ebidensiya nga duna ni relasyon sa starlet nga ginganlan og Krista Miller.

Di sad tingali siya mobiya sa ilang puy-anan (kauban ang tulo nilang mga anak) kung tsismis ray iyang basehan.

 Ni-claim si Krista nga never siyang gipanguyaban ni Cesar ug wa sad kuno ni mga butang nga gipanghatag niya sama sa gisulti sa misis sa aktor. Niingon pa ang starlet nga andam siyang makig-atubang ni Sunshine para malimpyo ang iyang ngan.

Sa bahin ni Cesar, hilom lang ni ug after niya giangkon nga duna silay problema ni Sunshine, dili na siya mo-discuss bahin sa isyu.

Morag way hugot nga denial gikan niya pero wa pud siyay giangkon.

Matod ni Shine, Ginoo ray  nahibaw kung mag-uli pa ba sila sa iyang bana. Sa karon, iya sang i-enjoy ang pagbalik niya sa showbiz via "Dugong Buhay" sa ABS-CBN.