Sekreto ra

Dear Tita Salie,

Have a good day. I am an avid fan of Banat News and I really like reading your column. I love the way you gave your advice and explanation of what the sender had experience.

Anyway, please call me Vien for short, and my problem is about my lovelife. Nahadlok man god ko sa akong family kay basin kun makuratan sila sa akong boyfriend. Busa hangtod karon amo lang gyod nga gitago  ang among relasyon.

I have a boyfriend, Tita who happened to be the brother of my auntie. Igsoon siya sa asawa sa akong uncle, pero dili nako siya tinuod nga uncle kay igsoon ra man siya sa akong auntie nga asawa sa akong uncle.

Wala gyod namo gisulti ang mahitungod sa among relasyon, Tita, kay nahadlok mi nga ma-schok sila kay permi baya mi nga magkita, ang akong pamilya ug ang akong uyab. Sekreto ra gyod namo ning duha kay suod man god kaayo siya sa akong pamilya. Ug mora na lang og igsoon ang tinagdanay namong tanan.

Kinahanglan ba gyod nga among isulti sa among family mahitungod sa among relasyon o pasagdan na lang namo sila nga masayod niini? Unsa kahay maayong buhaton namo Tita? Palihog pasabta ko. Thank you very much and more power.

-- Vien

* * *

Hello Vien,

Wala may problema sa inyong relationship sa igsoon sa imong auntie nga asawa sa imong uncle kay dili man gyod nimo siya tinuoray nga tito. Bisan man kun suod kaayo  siya sa imong pamilya tungod kay kanunay lang mo nga magkita apan dili kini igong rason aron undangon o putlon ang inyong relasyon. Mas maayo hinuon kana siya tungod kay suod na kaayo nimo ug sa imong pamilya kay naka-ila kana gyod kaniya ug sa iyang batasan.

Ug pasagdi lang ang mga tawo sa inyong palibot nga makasabot sa inyong sitwasyon ug sa inyong relasyon. Pero mas maayo siguro kun imong sultian ang imong mga ginikanan kabahin sa inyong  relasyon, kay sa tanan nga mahitabo sa imong kinabuhi, sa imong desisyon ug plano mas maayo gyod nga sila makahibalo aron ila kang magiyahan, masultihan kun unsay angay nga buhaton.

Mas maayo gyod nga dunay kasayoran ang imong mga  ginikanan aron makatabang sila pagtan-aw sa imong uyab kun maayo ba siya ug dunay makasulti kanimo kun adunay dili maayo nga wala nimo makita kaniya. Dapat lang usab nga masayod ang ginikanan mahitungod sa dagan sa kinabuhi sa ilang mga anak.

Kun suod mo sa imong auntie, puyde nimo siyang sultian kay siya ang mas nakaila sa iyang igsoon.

-- Tita Salie