Labing uwahing kalambuan sa Philippine Idol

Pormal na nga sugdan ang pagpangita sa "Philippine Idol" karong Domingo sa alas otso sa gabii sa ABC, the Idol network.

Ang 17 contestants nga nakalusot sa Davao main auditions didto sa Waterfront Insular Hotel niadtong June 23 ug ang 36 gold-passers gikan sa Cebu nga napili human sa hinashasay diha sa Bigfoot Entertainment niadtong July 4 mobiya na paingon sa Manila karong adlawa July 28, Friday ug ang second batch karong July 30, Sunday, sakay sa Superferry.

Ang mga contestants nga ubos sa 18 anyos gitugtan nga magdala og chaperone. Apan kadtong legal na ang pangidaron pero ganahan magdala og kauban, maoy mobayad sa ilang mga gastuhan.

Ang gold passers gikan sa Cebu gipaabot nga moabot didto sa Manila July 31 sa 6:30 sa buntag samtang ang gikan sa Davao inig ka 2:30 p.m. sa mao gihapong adlaw. Sugaton sila og shuttle buses diin nagpaabot nila ang Philippine Idol staff aron maoy modala nila paingon ngadto sa Bayview Hotel sa Manila diin adto sila mupoyu sulod sa lima ka adlaw ug dunay libre nga meals.

Apan kadtong dili makasulod sa theater elimination papaulion gilayon pagka sunod adlaw.

Samtang adunay 116 gold passers gikan sa Luzon nga adto usab mag-istar sa Bayview Hotel. Usa ka welcome dinner party ang ihatag ngadto sa 169 contestants gikan sa tibuok nasud karong July 31 didto sa nahisgutang hotel.

Pagka August 1 ngadto sa August 4, ang 169 gold-passers gikan sa Luzon, Visayas ug Mindanao magtigi na sanglit magtinaktakay na sila pinaagi sa elimination nga ipahigayon didto sa main theater sa Cultural Center of the Philippines (CCP). Top 24 lang ang kuhaon aron mao nay hingpit nga mag-ilog sa titulo.