DGIT Finale 2026: King of the Court Vol. 2 kasado na
CEBU, Philippines — Andam na ang tanan alang sa DailyGrind I.T Basketball Finale 2026:King of the Court Vol.2 karong Agosto 22 sa GroundZero Sports and Fitness Hub sa Barangay Tipolo, dakbayan sa Mandaue.
Giorganisa ni DGIT head coach Tommy Spencer Ugsimar, ang tinuig nga torneyo mopundok sa tanang mga atleta sa DGIT gikan niadtong 2020 hangtud karon aron bairon og maayo ang ilang abilidad pinaagi sa usa ka hugot nga kompetisyon ug makalingaw nga kasinatian sa basketbo.
"More importantly, it serves as a reminder that basketball is a tool for building high character young men and women, both on and off the court," matud pa ni Ugsimar.
"We want our athletes to grow not only as basketball players but also as individuals who are prepared for life’s challenges," dugang pa niya.
Ang mga kategoriya nga kumbatihan naglangkob sa 11 Under, 12 Under, 13 Under, 15 Under ug 16 Up.
Ang espesyal nga Parents Edition gipaabot nga molamas sa aksiyon.
Matag player sa mga teams nga makampiyon makadawat og plaque, certificate, medal, t-shirt, cap, ug uban pang pahalipay gikan sa sponsors.
Kadtong gusto moapil gihatagan kutob lamang karong Hulyo 26 aron magparehistro. Alang sa dugang impormasyon, bisitaha ang DailyGrind I.T Basketball Facebook page.
- Latest
