Bagyo posibleng pumasok ngayong weekend
MANILA, Philippines — Inaasahang papasok sa bansa ngayong Sabado ng gabi o Linggo ng umaga ang isang tropical depression na nasa labas ng Philippine Area of Responsibility (PAR).
Ayon sa PAGASA, oras na pumasok sa PAR ay tatawagin itong bagyong Francisco na hindi magla-landfall at walang direktahang epekto sa bansa sa susunod na tatlong araw.
Dakong, alas-10:00 ng umaga kahapon, ang bagyo na nasa labas ng PAR ay namataan sa layong 1,850 kilometro ng silangan ng Eastern Visayas taglay ang lakas ng hangin na umaabot sa 55 kilometro bawat oras malapit sa gitna at may pagbugso ng hangin na umaabot sa 70 kilometro bawat oras.
Ang naturang bagyo ay bahagyang lumakas at kumikilos pakanluran sa bilis na 20 kilometro bawat oras sa may Philippine Sea sa kanluran ng Guam.
- Latest
