Miangal sa fake news

CEBU, Philippines — Gipikhan ni  Vice Ganda  ang mga nipasiatab  og  fake news nga matud pa nipalit siya og 50 tickets alang sa konsyerto  sa South Korean boy group nga  BTS .  Gikatakdang mag-konsyerto ang maong grupo karong  Marso 2027 sa  Philippine Sports Stadium sa  Bulacan. “Mas mahiya ka at ang mga kapwa mong mga bobo na mapagpaniwala sa mga tsismis na pang tanga! Tama yan! Nawa’y magpuyos ang mga puso nyo sa galit na likha ng mga maliliit nyong utak na kayang gaguhin ng fake news!” mensahe pa ni Vice ngadto sa netizen nga nauto sa maong fake news.

Klea mokiha sa nagbinastos kaniya

Nagplano si Klea Pineda nga mopasaka og kaso sa  netizen nga nagpadala og bastos   o dili makiangayon nga pulong ngadto kaniya.   Suma pa niya nga kinahanglan nga dunay aksyon nga pagahimoon gumikan kay dili na sakto ang gibuhat sa maong netizen nga nanungo kaniya alang sa usa ka dautang binuhatan. “Minsan lang ako magsalita sa social media. This time parang hindi ko na pinalagpas kasi sobra-sobra na ‘yon,” saysay pa ni Klea sa interview niini sa “24 Oras”.

Wala mahimout sa White House

Gimandoan sa  American pop star  nga si Ariana Grande ang administrasyon ni US  President Donald Trump nga hunongon ang paggamit sa iyang awit alang promosyon sa mga polisiya niini.  Wala mahimout ang singer sa  video nga gi-release sa White House  nga nag-highlight sa immigration policy ug gigamit ang awit niya nga "Bye."  "Please do not ever use my music in relation to this barbaric, inhumane, heinous nonsense," komento ni Ariana sa maong video.