Bimby at Ryzza, binuhay ang loveteam!

MANILA, Philippines — Ang cute ng guesting ni Bimby Aquino sa Eat Bulaga kahapon para sa birthday ni Ryzza Mae Dizon.

Sobrang kinilig ang audience sa panggo-goodtime ng binata ni Kris Aquino kay Ryzza na nag-celebrate ng kanyang 21st birthday.

Eh sobrang tangkad ni Bimby, parang wala pa sa balikat niya si Ryzza Mae na nakatambal niya sa isang pelikula noong eight years old lang ito, My Little Bossing na pinagbidahan noon nina Vic Sotto at Kris Aquino.

Nang tanungin si Bimby kung anong pinaka-memorable moment ng kanyang buhay: “Siyempre, na-meet ko si Ryzza. Uy, kinikilig,” sagot ni Bimby na may halong panggo-goodtime.

Kaya sinagot siya ni Ryzza ng “Hindi, kalma.” Nagtitilian na kasi ang audience.

“Parang hindi blush-on,” sabay turo ni Bimby sa pisngi ng EB host.

At nang hingan si Bimby ng message mas lalong kinilig ang audience: “Sana ibalik natin ang dati,” biting umpisa nito. “Our friendship, dati. We lost contact. Never change, kasi. From the time when I’ve known you, since I was eight years old, hindi ka nagbago. So, stay as the same person you’ve always been. A kind, siyempre, beautiful, and caring person you are. Kung hindi man maging tayo, ninong ako. Mga Dabarkads, if we don’t end up together, dapat ako maging ninong sa kasal,” na ikinakilig ng audience.

Hanggang sinabi ni Bimby na “I have one special gift for you. Close your eyes and turn around.”

At inilagay niya ang kuwintas na bigay ni Kris sabay sabi ni Ryzza Mae na “maiiyak na ako.

“Thank you, Bimb. Salamat sa (Thank you for the) gift. Super nice to see you again,” huling sabi niya sa binata ni Kris na pasadung-pasado na rin maging TV host.

Kaya naman trending si Bimby kahapon sa X. Ang dami talagang naaliw.