Matty at Gazini, nasilat!
MATAGUMPAY pa ring masasabi kahit hindi nasungkit ni Matty Juniosa ang pagiging grand winner sa Britain’s Got Talent season 19.
Nagtapos siyang fourth runner-up sa ginanap na finals nito early morning of May 31 sa Pilipinas.
Ang choir group na The Hawkstone Farmers ang nagwagi habang ang drone precision group Celestial at dog act Anastasia Beaumont and Salsa ang nagwagi ng second and third place, respectively.
Inawit ni Matty sa kanyang final performance ang Nothing Compares 2 U ni Sinéad O’Connor.
Tumanggap siya ng standing ovation mula sa mga huradong sina Simon Cowell, Amanda Holden, Alesha Dixon, at KSI, maging sa audience base sa mga video nito
Ayon kay Simon Cowell : “That was absolutely brilliant, Matty. I think we’ve fallen in love the moment we first met you, with your personality, talent, and you’re not afraid to take on these big songs. For someone like you, at the back of your head, I’ve got to hit the big note. Every time, you hit the big note, and above.”
Maaalalang mabilis na nakasali sa semi-final at final rounds si Matty dahil sa natanggap niyang Golden Buzzer, pero nakasalalay sa boto ng publiko ang nananalo sa BGT.
Natalo man siya, tiyak na ang magandang career niya dahil kasama na siya sa Jesus Christ Superstar sa West End kung saan gaganap siyang Annas.
Samantala, hindi rin pinalad ang panlaban ng bansa na si Gazini Ganados sa MGI All Stars na ginanap sa Bangkok, Thailand.
Laglag sa Top 3 si Gazini sa ginanap na finals night sa Thailand.
Isiniwalat niya sa nasabing beauty pageant na nabiktima siya ng cyber bullying sa question ang answer portion ng paligsahan.
“I was once a victim of cyberbullying. It is not easy to go through something that you didn’t ask for. As a Filipina-Palestinian, I have raised my voice and I have conquered through my fears, because I faced the struggles that I’ve been facing. My family is still stuck in Gaza, and now that I’m fighting for their lives, I just want to do my best and be the representation and raise their flags just like who I am today as a Filipino-Palestinian,” sabi niya sa huradong isang dating beauty queen din.
Gumawa naman ng kasaysayan si Vanessa Pulgarin ng Colombia bilang nagwagi sa unang edisyon ng MGI All Stars.
Dinaig nito ang 55 pang iba pang mga kandidata sa ginanap na Miss Grand International pageant.
- Latest
