Aba basketball association vs. Sunday.com Ballclub Mandaue sa 'kombati sa Alcantara'

CEBU, Philippines – Ang Sunday.com Ballclub Selection-Mandaue gikatakdang manulong didto sa habagatang bahin sa Sugbo aron ipakita ang ilang abilidad batok sa ABA Basketball Association sa usa ka exhibition game nga pagaulohan og 'Kombati sa Alcantara' karong Agosto 18.  

Ang duwa sa 40-above nga manuwaay sugdan sa alas-6 sa gabii didto sa Alcantara Big Dome.

Gawas sa pagpakita sa ilang abilidad sa natad sa basketbol, ang kalihukan gituyo usab alang sa pagpalig-on sa panaghigalaay ug camaraderie.

Ang 'Kombati sa Alcantara' nga giorganisar sa Sunday.com ubos sa liderato sa presidente ug commissioner nga si Camilo 'Tata' Nadera ug adviser Atty. Gonzalo 'Sally' Malig-on, gipaluyohan ni Alcantara Vice Mayor Fritz Lastimoso ug Engr. Arthur Palencia.

Ang  sports committee chairman naglakip nilang Hon. Larry Llenos, Balgame  Lamosao, Rey Canoy ug Elmer Jerusaler.

Moabag nilang Nadera ug Atty. Malig-on mao ang pipila ka mga sakop sa Sunday.com Ballclub nga silang Jojo Carba, Allan Sambrana, John Paul Espija, Dodoy Grafe, Tawing Grafe, Ankie Antigua, Cahel Ygot, Meo Mosqueda, Alex Malakhooti ug kanhi PBA cager Ramon 'Montoy' Singson.