Daga palaman sa cake

Masusi ngayong iniimbestigahan ng mga opisyal ng Provincial  Health  Department ng Davao Del  Sur ang pagkakadis­kubre  uma­no ng  ilang ba­hagi ng katawan ng daga sa isang cake sa isang restaurant noong Bi­yernes.

Batay sa report, walong nursing student  ang nakakita ng  ilang bahagi ng daga sa chocolate cake  na ka­nilang binili sa Pran­gel’s Restaurant sa Digos City.

Ayon sa  reklamo ng mga estudyante ng Min­danao Medical Foundation College, bumili sila ng cake at dinala sa ka­nilang pinagtatraba­hu­han kung saan agad din nila itong kinain.

Subalit nagulat si Robert Tonzo, isa sa mga nursing student, nang mapansing may tila chewing gum sa kan­ yang kinakain na cake. “Akala ko nga pea­nut lang. ‘Nung ilu­wa ko, iyon na pala, parte ng daga,” sabi pa niya

Bunga nito, ipinas­ya ng mga estudyante na dalhin sa City Health Offic ang cake at ma­tapos  ang ilang minuto ay nakaram­dam na sila ng pana­nakit ng tiyan.

Sinabi naman ni Dr. Salud De La Cruz, City Health Officer, nakita nila ang ilang bahagi ng daga  at hair strands  nito.

Sinabi ng Digos City health inspector na iimbestigahan nila ang report para  malaman kung totoo ito at may sapat na sanitation ins­pection permit ang naturang restaurant.

Tumanggi namang magbigay ng  pahayag ang staff ng Prangels restaurant.