Supportive father

CEBU, Philippines — Nakita gyud ni John Estrada ang pagka-maayong tawo ni Daniel Padilla ug bilib siya sa pagka-mapaubsanon niini .  Si Daniel maoy uyab sa  anak ni John nga si Kaila.  Suportado ni John ang mga desisyon ni Kaila sa kinabuhi niini .

Kiray nalandig sa tambalanan

Kasamtangang naka -confine sa tambalanan  ang komedyanteng aktres nga si Kiray Celis .Sa pagsulat niining balitaa, wala pa gidetalye   sa aktres ang rason sa pagkalandig niya sa tambalanan .Kasamtangang gisabak ni  Kiray ang unang anak nila sa iyang bana nga si Stephan Estopia.

Queen Universe Philippines 2026 , nagtangag og importante nga misyon

Pormal na nga gianunsuo  ang 30 ka official candidates  alang sa unang edisyon sa Queen Universe Philippines 2026 human sa usa ka malampuson  ug lapad  nga screening process.

 Gihimo pag-ilaila sa mga kandidata  atol sa sashing  ceremony  sa niaging adlaw.

Ang maong indigay  gipangulohan ni Jess Labares nga tang-an pud nga beauty queen , ug unang transgender woman flight attendant sa usa ka airline company .

Suma pa ni Labares, lahi ang tumong sa Queen Universe Philippines tungod kay dili lamang kini naka-focus  sa korona ug titulo kondili sa pagpalambo sa mga adbokasiya nga makatabang sa komunidad pinaagi sa Queen Universe Philippines Foundation.

Dugang pa niya, ang organisasyon nagtinguha sa paghimo og mga programa nga adunay dakong  epekto sa katilingban. Pinaagi sa pagdumala ni Labares , ang foundation molusad  og livelihood programs ug uban pang inisyatiba nga makatabang sa komunidad aron mahimong mas malungtaron ug produktibo.

Ang mga kandidata kay sila Keniana Webster Capio (Badian), Maria Hard Napoles (Balamban), Sway Cañete (Bantayan Island), Dvorah Loquias (Bohol), Iarth John Ranis (Cagayan de Oro), Janna Villoria (Carcar City), Maria Paula Vega Espina (Cebu City), Rian Bacalla (Cebu Province), Nikki Heredia (Cordova), Shiela Magpale III (Davao City), RB Jean Costudio (Davao Province), Angelicum Zabate (Dumaguete City), Angel Marie Madrigal (General Santos), Niala Padilla (Iligan City), Jam Sy Mallari (Isabela), Mattie Lumapas (Mandaue City), ug Steffy Marie Mifrano (Misamis Oriental).

Nalakip usab sila  Staycee Ravena (Moalboal), Anna Marie Tumlad (Negros Oriental), Vhanie Medalla (Northern Samar), Mikay Bautista (Pampanga), ML Tucay (Pangasinan), Gabbi Yue (San Carlos City), Roxy Segovia (Sarangani Province), Julia Tan (South Cotabato), Shawi Romano (Talisay City), Yeng Lavitoria (Tarlac City), Reigné Barbie Monteverde (Tarlac Province), Hana Guanilac Fox (Zamboanga City), ug Melqui Orbita (Zamboanga del Sur).

Sa niaging adlaw , duna sila’y outreach program nga  nagtimailhan nga   gibitbit gyud nila   ang kalidad sa usa ka beauty queen.

Ang  coronation night  sa Queen Universe Philippines 2026 kay mahitabo karong  September  13 sa Mactan Expo Center sa Lapu-Lapu City.