Magtiayon kombiktado sa cyber-porn

CEBU, Philippines - Mabilanggo sulod sa 15 ka tuig ang magtiayon nga taga Lungsod sa Cordova kinsa nipahubo sa ilang tulo ka anak atubangan sa webcam bugti sa kwarta nga gibayad sa mga langyaw niadtong 2013.

Si Judge Mercedita G. Dadole-Ygnacio sa Regional Trial Court sa Dakbayan sa Mandaue ang nipahamtang sa silot ug multa nga P500 mil ug laing P100 mil nga moral damages.

Kasong kalapasan sa Republic Act 9208 o Qualified Trafficking in Persons ang gipasaka sa magtiayon human sila gidakop sa operasyon sa Philippine National Police Regional Anti-Human Trafficking Task Force ug Regional Intelligence Division sa Police Regional Office-7 nga gipangulohan ni Police Senior Inspector Sheryl Bautista.

Gikatahong gipa-posing atubangan sa web cam ang tulo ka anak ug gipadala sa mga langyaw nga customer bugti sa kwarta.

Matud ni Atty. John Tanagho, acting field office director sa  International Justice Mission-Cebu, nga ang pagkombikto sa magtiayon usa ka senyas nga dunay gibuhat ang balaud sa pagprotektar sa mga batang nabiktima sa maong krimen.

“Yesterday’s convictions of two parents who sexually exploited their children online sends the message that the Philippine justice system is using the rule of law to protect vulnerable children from this hideous crime.  International Justice Mission praises the excellent work of the DOJ-IACAT in securing these convictions and 15-year sentences through plea bargaining, which secures justice while also protecting the three child survivors from the trauma of having to testify in court,” matud ni Tanagho.  (BANAT NEWS)