Himala: Kapatid gumaling sa sakit (Part 6)

NANG dumating ako sa clinic, agad akong nagbayad para maisailalim sa 2D Echo Test si Victor.

Habang naghihintay kami, walang tigil si Victor sa pagtatanong kung saan ako nakautang ng pera.

“Sa may-ari ng restaurant. Pinahiram agad ako.”

“Paano mo babayaran?”

“Kakaltasin sa suweldo ko. Pero hindi pa namin pinag-usapan ‘yun. Pagkatapos na ng test na gagawin sa’yo.”

“Naaawa ako sa’yo Ate. Hayaan mo at kapag gumaling ako, ako na ang magtatrabaho.”

“Huwag ka na munang mag-iisip ng ganyan at nahihirapan kang huminga. Basta kailangang malaman kung ano ang dahilan at nahihirapan kang huminga.”
Tumango si Victor.

Maya-maya, tinawag ng secretary ang pangalan ni Victor. Siya na ang iti-test para sa 2D echo.

“Hihintayin kita rito Victor. Mga 30 minutes daw ang procedure.”

“Masakit kaya Ate ang test?”

“Hindi raw. Nakahiga ka lang at may ikakabit na mga gadget sa dibdib mo.”

Napatango si Victor.

“Relaks ka lang. Sige na pumasok ka na sa room.”
Pumasok si Victor.

Naiwan ako. Nagsimula na akong magdasal para sa kapatid ko.” (Itutuloy)