Hulga sa Senado, work from home gimando

CEBU, Philippines — Pipila ka mga sakop sa bag-ong Senate majority  ang nipadayag sa ilang kabalaka bahin sa report nga dunay hulga sa seguridad karon ang Senado.

Sa gipagawas nga pamahayag kagahapon, Martes, Hunyo 9,  si Senate President Pro Tempore Sherwin Gatchalian nagkanayon nga si National Bureau of Investigation Director Melvin Matibag maoy nipahibalo kanila bahin sa “potential threat to the Senate building and the Senate premises.”

“I will be meeting the Senate Executive Committee, including the Sergeant-at-Arms, today to make the necessary security adjustments,” dugang pa ni Gatchalian.

“The security and safety of all Senators and all Senate employees is paramount. We will make sure that our work environment is safe and secure,”dugang pa ni Gatchalian.

Sa mensahe sab nga gipadala ni Sen. Tito Sotto sa mga sakop sa media kini nagkanayon nga naa gyuy “clear and present danger”ug kinahanglang seryusohon kini ug dili balewalaon.

Si Sen. Panfilo Lacson sa iyang bahin sad miingon nga nasagmuyo na og maayo ang armadong mga serbisyo sa nasud karon.

“As per information, though still sketchy and raw, the level of frustration within the armed services has reached up to battalion and regional levels,” matud pang Lacson.

“They are closely monitoring the developments in the ongoing crisis at the national level brought about by numerous factors, both internal and external,” dugang pa niya.

Wala hinuon giklaro sa mga magbabalaod kung unsa ni nga matang sa hulga. Apan atol sa Blue Ribbon Committee consultative meeting niadtong Hunyo 8, naay higayon nga si Matibag miingon nga naay pribadong impormasyon siyang nadawat bahin sa maong hulga.

Tungod niini, gimando ni Gatchalian sa mga kawani sa Senado nga mag work from home karong adlawa, Miyerkules, Hunyo 10 hangtud ugma Huwebes, Hunyo 11.

"All Senate Secretariat and Senate Proper employees are hereby authorized to Work-from-Home (WFH) for the remainder of the week, June 10-11, 2026 (Wednesday and Thursday)," matud pang Gatchalian.

"The safety and security of all Senate personnel remain a foremost priority as the concerned authorities undertake the appropriate security protocols within the Senate premises," dugang pa niya.

Apan ang essential services sama sa  safety o security functions magpabilng mosulod sa naandang trabaho.

Sa pikas bahin, gibutyag ni  Sen. JV Ejercito  kagahapon nga posibleng abot na og 13 ka senador ang mopaluyo kang Gatchalian nga mobuak sa deadlock karon tali sa paksyon ni Sen. Alan Peter Cayetano.

“We don’t know. Maybe. Anything can happen – with this thin (numbers). No knowledge yet,” matud pa niya.

Daan ng nilanog ang mga report nga naay mga senador gikan sa paksyon ni Cayetano ang gustong mobali bisan wala pa ang surpreang pagtapon ni Sen. Francis Escudero  sa sesyon sa miaging semana.

Samtang wala pay kompirmasyon, apan gituohan nga si Sen. Joel Villanueva ang gipasabot ni Ejercito. Kay sama ni Escudero, nag-atubang pud og posibleng kasong criminal si Villanueva may labot sa flood control issue.

Sa laing bahin, dili uyon si Ejercito sa panawagan ni kanhi Senate president Franklin Drilon nga mo-interbiner na si Presidente Ferdinand  Marcos sa kagubot sa Senado kay naparalisar na niini ang trabaho  sa Senado.

Matud pang Ejercito, dako iyang pagsalig nga nakasabot ang presidente sa mga constitutional boundaries ug mas pillion sa presidente nga maghimo internal reorganization ang mga senador. “To my knowledge, President Marcos respects the Senate because he had served here and he knows how the Senate behaves, he knows the characters,” matud pa niya ug nidugang nga imbes mag-away away tungod sa personal kasungian mas maayong luwason ang institusyon.— Gikan sa Philstar.com/IIBM  BANAT NEWS