Lola tigok sa motor

MANILA, Philippines — Patay ang isang 67-anyos na lola na humagis ng ilang metro dahil sa impact ng pagkakabundol habang suga­tan ang rider na tumilapon mula sa kanyang  motorsiklo, sa Sampaloc, Maynila, kamakalawa ng hapon. Bigo nang maisalba sa UST Hospital ang biktimang si  Edna Lizardo Capule, biyuda at residente ng no. 652 . Lacson Avenue, Sampaloc bunga ng matinding pinsala sa ulo at katawan. Sugatan naman ang  suspek na si Rene Ordinario Castillo, 32, binata, residente ng  no. 1282 Dama de Noche St., Tondo, Maynila na mamaharap sa reklamong reckless imprudence resulting in homicide.