Sa rami ng ipon, John Lloyd kaya rin daw magpatayo ng resto, hotel, at mall
Marami ang natutuwa na kahit talikuran ni John Lloyd Cruz ang kanyang pag-aartista ay hindi naman siya madedehado sa kabuhayan. Marami naman siguro siyang ipon kung kaya magagawa niyang makapagpatayo ng isang restaurant, hotel at mall. Sa dami ng fans niya walang hindi naghahangad na mapabuti ang buhay niya kahit wala na siya sa showbiz. Sa tulong naman ng may kayang pamilya ni Ellen Adarna ay mabibigyan sila ng malakas na back-up kundi man sa datung ay sa mga payong pangnegosyo.
Alice nilayasan ang Probinsyano, biyaheng Iceland kasama si Aga
Buti na lang at pinayagan ng produksyon ng FPJ’s Ang Probinsyano na mag-leave of absence si Alice Dixson sa serye. Medyo malalagay sa alanganin ang kuwento na ang pamilya ng role niya na pinamumuuan ng pangalawang pangulo at ang pamilya ng pangulo ang pangunahing magkatunggali.
Makulay ang role niya bilang kontrabida ng first lady na ginagampanan ni Dawn Zulueta at ex ng pangulo. Pero, baka naman nakapag-advance taping siya kaya maluwag siyang pinayagan na mag-leave para makapag-shoot ng isang movie sa Iceland. The film may bring her to a new and exciting location at makakapareha si Aga Muhlach pero, hindi mapasusubalian na maganda ang role niya sa AP at nakakahinayang na palampasin ito.
Gabbi at Ruru nagpalamig sa bagong TVC
Trending agad agad ang Kapuso stars na sina Gabbi Garcia at Ruru Madrid sa bagong TV commercial nila with McDo kung saan nagpalamig muna sila from the intense summer heat. Refreshing at perfect para sa kanila ang commercial na ito. Sinabi ni Ruru na very supportive sila ni Gabbi with each other at very thankful sila sa suporta na binibigay ng fans sa kabila nang wala na si Gabbi sa Sherlock Jr.
Samantala, sinabi ng aktor na marami pang maaaksyon at exciting na mga eksenang dapat abangan sa nalalapit na pagtatapos ng Sherlock, Jr. Sa katunayan nga, may isang twist daw na ikakagulat ng lahat.
Grade 10 student napiling mag-perform sa WCOPA
Hindi umasam ng kabiguan si Hannah Joy Magdales nang sumubok siya na mag-audition para sa international performing arts competition na taun-taon ay ginaganap sa America at taun-taon din ay maraming sumasaling Pinoy ang nagwawagi.
Agad siyang napili ng mga hurado na kinabibilangan nina Jed Madela at Rap Salazar para maging Philippine representative sa World Championship of Performing Arts (WCOPA) na magaganap sa Long Beach, California at tatampukan ng mga kalahok mula sa 50 mga bansa.
Mapalad si Hannah dahil nagagawa niyang mapagsabay ang kanyang pagkanta at pag-aaral nang hindi nasasakripisyo ang kanyang pagiging no. 1 hindi lamang sa kanyang klase kundi sa buong University of Perpetual Help System Dalta sa Las Piñas City. Tumatayo siyang pangulo ng Supreme Student Council (SSC), nasa grade 10 siya.
Para mapunan ang kanyang pangangailangan sa pagsali sa WCOPA, magdaraos siya ng isang fundraising concert sa May 20, 2018. Magaganap ito sa Southville International School auditorium kasama sina Kiray Celis, Amy Nobleza at Mica Becerro. Nakagawa na ng isang album ang bagets na hindi bibitawan ang kanyang pagkanta, lalo na ang kanyang pag-aaral.
Almira Muhlach kumikita sa pagmi-make up
Isa sa nakita naming muli sa launch ng anak nina Tacloban Mayor Cristina Gonzales Romualdez at former-mayor Alfred Romualdez na si Sofia Romualdez ay si Almira Muhlach. Maganda pa rin ang may 40 years old and more na artista. Nag-aartista pa rin si Almira bagaman at ang pinagkakakitaan niya ngayon ay ang pagiging make-up artist. May serye siya na ginagawa sa Kapamilya Network.
- Latest