Bitbitay sa mga anak

Nag-reunion ang Pinoy Big Brother hosts nga sila si Bianca Gonzalez, Toni Gonzaga, ug Mariel Rodriguez ug gibitbit nila ang tagsa-tagsa nila nga mga anak. Nahitabo kini sa panimalay nila ni Toni ug sa iyang bana nga si Direk Paul Soriano.“It was so hard to get a picture of the 3 of them all together at one point we had to bribe them with gadgets. Also the mommies couldn’t really make chikahan because one kid would run to mama make lambing, run away. Another kid comes and does the same hehe but our hearts are full!!! Wouldn’t have had it any other way,” suma pa sa Instagram ni Mariel.

Naka-P77M na!

Human sa kapin sa usa ka semana nga pagpasalida, nikita na og P77 million ang pelikula nila ni Nadine Lustre ug James Reid nga “Never Not Love You” . Nasayran nga lahi nga putahi ang gidalit sa JaDine sa maong pelikula

Larawan ipasalida sa Italy

Nalakip ang award-winning musical movie nga “Ang Larawan” sa 20th Far East Film Festival nga mahitabo sa  Udine, Italy karong April 20- 28. Nasayran nga inilog gyud kaayo ang maong pelikula sa nagkadaiyang film festival sa laing nasud. Gani nakabaton na usab kini og world premiere sa 2017 Tokyo International Film Festival sa Japan ug Cinematografo International Film Festival sa San Francisco. Ang maong pelikula gibidahan nila ni Rachelle Alejandro, Paulo Avelino ug Joanna Ampil.

Sugdan karong buwana

Mosikad na sa kahanginan sugod karong April 16 ang bag-ong serye sa ABS-CBN nga "Since I Found You” nga pagabidahan nila ni Piolo Pascual, Arci Munoz, Alessandra de Rossi, JC Santos, JC de Vera ug Empoy Marquez.

Nakalitan si Barbie

Giangkon ni Barbie Imperial nga bisan gisugdan na nila ni JM de Guzman ang "Precious Hearts Romances Presents Araw Gabi” wala gihapon siya makatoo sa istado sa iyang career. “Sobrang saya po kasi dati maliit na roles lang 'yung ginagampanan ko. Ngayon po, sobrang sarap sa feeling na tawagin ka bilang leading lady,” matud pa niya.

Michele mitubag na

Gitubag na ni Bb. Pilipinas Globe 2018 Michele Gumabao ang taod-taod na nga tsika nga matud pa  duna siya’y  sexy photo nga nikatap sa  online world. Gitataw ni Michel nga tipik lang sa usa ka women empowerment campaign ang maong photo shoot apan dili kini law-ay. Sa pag-apil niya sa Bb. Pilipinas, iyaha na kini nga gipahibalo daan.

Tambag sa Ex Battalion

Ang YouTube sensation nga Ex Battalion nihatag og  mubo nga tambag alang sa aspiring rappers nga nagtinguha usab nga makakulit  og pangalan sa music industry. “Be yourself. Never back down. Never quit,” matud pa sa maong grupo.

Tungod kang Willie

Tsika pa sa komedyante nga si Donita Nose nga dako gyud siya og utang kabubut-on sa Wowowin host nga si Willie Revillame gumikan kay mao kini ang rason nga nikisaw ang iyang pangalan sa showbiz. Kahinumdoman nga usa si Donita sa mga gipangtangtang nga host sa maong show sukad kini gi-reformat.

Time management

Gibutyag ni Marvin Agustin nga dili gyud siya makabiya sa showbiz bisan pa man sa iyang ka-busy sa negosyo. Matud pa niya nga nalingaw siya pag-ayo sa iyang pagka-artista busa wala’y rason nga iyaha kining buhian. Importante lang gyud alang kaniya ang pagbalanse sa iyang oras.