Problema sa trapiko

CEBU, Philippines — Ang tigpamaba sa Traffic Management sa probinsya sa Sugbo Jonathan “Joy” Tumulak mipaambit nga ang LGU mipahigayon og Traffic Administration Training sa tanang Traffic Managers sa Metro Cebu diin gitudloan sila sa pagsulbad sa trapiko sa ilahang dapit pinaagi sa mga balaod nga gihisgutan sa maong training.

Sa nahitabong 888 News Forum kagahapon sa Marco Polo Plaza, si Tumulak miingon nga ang problema sa trapiko sa Sugbo problema kini sa tibuok Metro Cebu.

Matud niya mas nidako ang populasyon ug gidaghanon sa nagdagan nga sakyanan karon itandi sa kaniadto napulo ka tuig na ang nakalabay.

“ Sa una ang traffic is naa lang naka concentrate sa mga dagko na syudad sama sa Cebu city, Mandaue, Lapu-Lapu, pero nakamatikod mo nga ang development nagkaanam na’g atras ngadto sa mga probinsya?” matud pang Tumulak.

Sa pagkakaron giuna ang Metro Cebu diin daghan ang sakyanan kon itandi sa kalungsoran. Matud pa niya ang paghimong usa lang ka sistema sa pagdumala sa trapiko sa tanang kalungsoran makatabang og dako pagpamenus sa problema. (Niña Mae P. Salvacion, CNU Intern/IBM) (BANAT NEWS)