Seguridad sa Walk with Mary andam na
CEBU, Philippines — Gipahibawo ni Police Regional Office-7 Director, Chief Supt. Jose Mario Espino, nga andam na ang seguridad sa Walk with Mary karong Biyernes sa kadlawon ug ubang kalihukan sa Fiesta Senyor.
Matud ni Espino nga ang mga polis na ang mobantay sa mga eskina sukwahi sa niaging Walk with Jesus diin mga force multiplier ang gipamutang.
Kini aron makontrolar ang publiko ilabi na nga adunay dakong kausaban atol sa prosesyon.
Usa niini mao nga ang karo ang mag-una sa prosesyon ug mao lang ang makasulod sa exit gate sa Basilica sa habig sa Osmeña Boulevard samtang ang mga tawo adto gihapon moagi sa gitagana nga entrance.
Samtang posibleng uwanon ang Walk with Mary ug Traslacion apan maayo na ang lakat sa panahon atol sa fluvial procession, foot procession ug ubang kalihukan sa Sabado lakip na ang kapistahan sa Balaang Bata ug ang Sinulog Grand Parade karong Domingo.
Matud ni Engr. Al Quiblat sa PAGASA-Mactan nga ang nasinating pag-uwan-uwan dala kini sa Low Pressure Area.
Awhag ni Quiblat sa katawhan nga dili gihapon mokompiyansa sa Inter-Tropical Convergence Zone ubos sa Mindanao kay posibleng gigikanan sa bagyo nga maoy magdala sa bati unya nga lakat sa panahon. (BANAT NEWS)
- Latest
