Drug trader utas sa drug bust
TUGUEGARAO CITY, Cagayan, Philippines - Bumulagta ang 23-anyos na drug trader matapos itong pumalag at manlaban sa mga pulis sa inilatag na anti-drug operation sa Barangay Alaguia, bayan ng Lal-lo, Cagayan kamakalawa. Kinilala ni P/Supt. Chevalier Iringan, tagapagsalita ng Cagayan Police ang napatay na si Buyi Carera ng Barangay Macanaya sa bayan ng Aparri. Ayon kay Iringan, napuruhan si Carera nang ratratin ng mga pulis makaraang magmintis ang kanyang baril na pinaputok laban sa pulis na poseur-buyer na binentahan niya ng sachet ng shabu. Tumakas naman ang kasama ni Carera sakay ng motorsiklo nang maganap ang barilan. Narekober sa crime scene ang plastic sachet na shabu, cal. 38 revolver na paltik at ang marked money na ginamit sa drug bust.
- Latest
